A Estrada cierra con más de 5.000 visitas la Feira de Artesanía y de Oportunidades

13 Marzo, 2023 |by wecom | 0 Comments | blog

Más de 5.000 visitantes acudieron durante el fin de semana al recinto de la Feira do Moble de A Estrada con motivo de la Feira de Oportunidades y de Artesanía. En la primera las firmas locales presentes en la doble muestra realizaron numerosas ventas gracias a la calidad de sus productos y a los precios competitivos.

Asimismo, la rama de automoción de la actividad comercial estradense también encontró su espacio en la cita, presentando vehículos de gama media alta que contaban con descuentos especiales en feria y financiación a medida de cada clientes. Fueron estas rebajas las qu e hicieron que todas las marcas presentes vendieran alguno de los vehículos.

Por otra parte, el parque de ocio para los más pequeños funcionó muy bien, según apuntan desde la organización, asegurando que estuvo muy concurrido. De este modo, estos jóvenes visitantes pudieron distraerse mientras los adultos paseaban y compraban en la Feira.

Del mismo modo, las actuaciones artística que corrieron por la Deputación Provincial de Pontevedra, congregaron a mucho público infantil, acompañados por los padres y madres de estos.

La Feira de Oportunidades do Comercio y la de Antigüedades y Artesanía “siguen teniendo un tirón especial”, afirman en la organización, “avaladas por un público fiel que las secunda edición tras edición”. Esto queda representado en la cantidad de personas que se acercaron a las instalaciones a lo largo de las tres jornadas que duró el evento.

Por último, si bien ahora las puertas del recinto ferial se cierran tras esta primera cita del calendario para 2023, no tardarán mucho en abrirse de nuevo, con motivo de la celebración del I Salón do Vehículo de Ocasión, que tendrá ligar los próximos días 14, 15, 16 de abril y cuyos detalles acerca del número de firmas que se presentarán se irán publicando a medida que el cartel va cogiendo forma para esta nueva adhesión al listado de actividades de la Fundación de Exposicións e Congresos.

Sorteo final con 1.500 euros en regalos

La cita cerró con un sorteo de 22 regalos por un valor total de 1.500 a las 19.00 horas, y los ganadores fueron: Rosa Mª Lea, José López, Carmen González, Masalkazu Shida, Andrés Barreiro Picallo, Mar Sanmarco Romay, Jesús Salvado Miguel, Rosa, J. Luis Rodríguez, Nuria Torres Nogueira, J. Manuel Pena Rodríguez, Sonia Ferrín Lores, Rocío Blanco, Juan Antonio Cortés, J. Antonio Grela, Teresa Souto, Carnen Villalustre, Elisabeth Sandoval, Lorenzo Antelo, J.Antonio Casalderrey, Ángel Fervenza, Fátima Agrelo, Laura López.

KEEP READING

A 34ª Feira do Moble de Galicia recupera os niveis de público previos á pandemia e constata a satisfacción dos expositores participantes

19 Setembro, 2022 |by wecom | 0 Comments | blog

Nesta cuarta e última xornada da Feira do Moble de Galicia, a Fundación de Exposicións e Congresos constatou como, nesta 34ª edición, se recuperaron os niveis de público previos á pandemia sanitaria. Así, xunto cos visitantes locais, o certame recibiu espectadores chegados de toda Galicia, especialmente na fin de semana. En conxunto, esta cita feiral na que se mostraron propostas en equipamento para todo o fogar xuntou na Estrada a 10.000 persoas, unha cifra moi semellante á acadada en 2019 (nesta edición tivo un día menos de feira).

Así, o equipo organizativo recoñece que “esta edición foi complicada e complexa, polo que nos sentimos orgullosos da celebración do certame e de que o público nos volvese apoiar masivamente, recuperando a afluencia da última edición celebrada”. Neste senso, dende a Fundación de Exposicións e Congresos quere sinalarse tamén que foron moitos os visitantes que se achegaron ao recinto feiral buscando moble con selo local, polo que “o desexado sería contar con máis firmas de mobiliario na feira e, especialmente, de mobiliario estradense”.

Pese a todo, a meirande parte das firmas expositoras apuntan que as súas expectativas se cumpriron, subliñando parte delas que non agardaban “nin a masiva afluencia de público nin o volume de negocio xerado”. Por exemplo, dende a marca estradense Artest Mobiliario, valorando positivamente o certame, quixo lembrarse que a feira é un referente para A Estrada e para o sector local “por iso a apoio e secundo edición tras edición”. Ao respecto dos resultados, indicouse que “nesta edición, coma en todas as anteriores, logrei xerar contactos para logo materializalos en tenda. A feira para nós é un escaparate promocional e unha estratexia de marketing que nos consolida no mercado”.

Pero xunto a empresas xa veteranas da cita, este ano estiveron presentes na 34ª edición da Feira do Moble de Galicia outras que se estreaban no recinto. É o caso de Venstar, stand no que o seu equipo quixo manifestar a súa satisfacción a nivel organizativo e apuntou que “é a primeira vez que concurro a este certame e, dende logo, a miña valoración é moi positiva”. No tocante á afluencia de público sinalaron estar “satisfeitos” posto que “o venres e toda a xornada do sábado xeramos un importante volume de contactos” e mostraron o seu convencemento de que “fructificarán en ventas”.

Unha sensación semellante é a expresada dende a firma local Terca: “cumprimos o obxectivo primordial, que non era outro que o de darnos coñecer na faceta das enerxías renovables”. No que ten que ver cos resultados comerciais do encontro, sinalou o responsable desta empresa “non pensar facer nin a metade de contactos que fixen, dado que o meu servizo non é un produto de venda directa”, apuntou facendo notar a boa organización da Feira do Moble pero recoñecendo, iso si, que “o sector do moble non estivo convenientemente representado nesta edición, pois varios clientes comentaron que viñeron buscando mobiliario e non o atoparon”.

Finalmente, dende Frigohogar -outra das firmas que estiveron presentes por vez primeira neste evento- consideraron que “o equipo organizativo estivo á altura das circunstancias” pero que botaron en falta “o apoio local ao certame e, sobre todo, o das firmas de mobiliario”. Subliñando que os mellores resultados se obtiveron o sábado e o domingo, a firma veu tamén colmadas as súas expectativas pero quixo facer constar que “un certame coma este debe contar con máis apoio institucional”.

Entrega de premios

No referido ao resultado do sorteo celebrado na tarde do sábado, resultaron gañadores Chelo Conde (Ourense), Jose Luis Lemos (Noia) e María Jesús Leiro (Vilanova), que desfrutarán dunha estancia en casas de turismo rural da asociación Mar de Compostela en réxime de aloxamento (cuarto dobre) e almorzo.

KEEP READING

Electrodomésticos, enerxías renovables, sistemas intelixentes de limpeza ou automatismos, entre as novidades da 34ª edición da Feira do Moble de Galicia

17 Setembro, 2022 |by wecom | 0 Comments | blog

Logo da interrupción motivada pola pandemia sanitaria, a Feira do Moble de Galicia celébrase na Estrada ata o domingo con numerosas novidades na súa tradicional oferta expositiva. Con máis de medio cento de firmas presentes e a totalidade do espazo ocupado, nos catro pavillóns que conforman a 34ª edición desta cita feiral o visitante atopa unha oferta completa en mobiliario e complementos para o equipamento do fogar. Este ano, destacan propostas coma os electrodomésticos, as enerxías renovables, os sistemas intelixentes de limpeza ou os automatismos, entre outras incorporacións.

No primeiro dos casos, a firma Frigohogar -con tenda propia na Estrada- ofrece unha ampla selección en grande e pequeno electrodoméstico, con ofertas especiais para o certame. Deste xeito, o público ten á súa disposición un amplo abano de produtos  nos que figuran por exemplo televisores de última xeración, frigoríficos ou lavadoras, entre outros.

Por outra banda, nesta edición da Feira do Moble de Galicia está a despertar notablemente o interese do público o ámbito dos sistemas renovables para a produción enerxética no fogar, dado o actual clima de incerteza en relación ao gasto en enerxía. É por iso que firmas coma a estradense Instalaciones Terca ou Ecogal achegan ao visitante distintas opcións á hora de apostar por modelos de enerxía máis eficientes e que, ao tempo, permitan un aforro para o consumidor. Cabe sinalar que ademais da propia presentación de diversas solucións en sistemas de enerxía renovables, nestes stands o usuario ten a posibilidade de recibir un asesoramento completo e personalizado con propostas e estimacións concretas para o seu caso.

Así mesmo, quen se achegue á cita feiral por excelencia da Fundación de Exposicións e Congresos da Estrada ten a posibilidade de coñecer tamén innovadores métodos de limpeza intelixente do fogar. Así, a empresa Ritello presenta solucións para loitar contra a contaminación do aire en interior. Deste xeito, é posible respirar aire lavado con auga, libre así de po, xermes e bacterias. Tamén para purificar o ambiente están pensadas as prestacións de Rainbow España, cun equipo especializado na limpeza, hixiene e saúde e cuxas funcións consisten en purificar o aire, aspirar e fregar. A limpeza e a desinfección dende o punto de vista ecolóxico está representado por Orhogar que, mediante o emprego de auga ozonizada evitan o uso de produtos químicos dentro do fogar. Cabe sinalar que, na busca dun estilo de vida máis saudable, Augaplus demostra como o seu sistema somete a auga da rede a un proceso de microfiltración, obtendo así unha auga máis segura.

Con relación ao equipamento do fogar e dado que un maior tempo na casa durante a pandemia puxo de relevo a importancia da súa adecuación ás necesidades reais de cada familia, a Feira do Moble de Galicia conta con presenza tamén de marcas enfocadas a outros ámbitos clave, como é o caso da ferretería ou o bricolaxe. Así Soutelana ofrece solucións en decoración, fontanería, electricidade ou menaxe. Sen esquecerse ademais do coidado do xardín e dos traballos forestais e agrícolas, eidos para os que achega ferramentas de diverso tipo.

Xa no caso dos automatismos, Pauga exhibe unha ampla representación en portas seccionais domésticas, de entrada, de seguridade, peonís e industriais. Cabe sinalar que Pauga é instalador e distribuidor oficial de Hörmann, considerada das marcas líder no seu sector. No recinto, destacan tamén as propostas en sanitarios. Neste caso, Cemascé está especializada en proxectos de calidade e innovación, con materiais de deseño e construción entre os que destacan os porcelánicos.

Por outra banda, un percorrido pola Feira do Moble de Galicia permite coñecer tamén un amplo catálogo en menaxe. Así, baterías de cociña, louza, cristalería ou cuberterías conforman parte da proposta de Los Tres Reyes, que chegan dende Ciudad Real. Ampla é tamén a oferta de Confort Hogar, que incorpora ademais sistemas de descanso confortables entre os que se atopan colchóns, almofadas, somieres, canapés ou sofás.

Finalmente, o coidado do fogar está representado tamén por outros sectores nesta 34ª edición da Feira do Moble. Neste senso, quen busque resolver problemas de humidades pode visitar o posto de Sanysec. O seu equipo é especialista en tratamentos contra a humidade, ofrecendo ademais orzamentos personalizados.

Jacobo Aboal visita o certame 

Por outra parte, no día de hoxe a Feira do Moble de Galicia recibiu a visita do director da Axencia Galega da Industria Forestal (XERA), Jacobo Aboal, que se achegou ata A Estrada para coñecer de primeira man o certame.

Sabela Losada recolle o XXVII Premio Xornalístico Manuel Reimóndez Portela

En materia cultural, a Feira do Moble de Galicia foi o marco escollido -como ven sendo habitual- para a entrega do Premio Xornalístico Reimóndez Portela. O galardón, que este ano chegou á súa 27ª edición, recaeu nesta ocasión na autora Sabela Losada. Ao acto asistían o edil Juan Constenla e Juan Andrés Fernández Castro, en representación do comité se seguemento do premio.

Programación do sábado, 17 de setembro

– 11.00 horas: Apertura do recinto feiral

– 12.00-14.00 horas: Apertura parque infantil (Pavillón 6)

– 16.00-20.00 horas: Apertura parque infantil (Pavillón 6)

– 18.00 horas: Actuación do mago Popín Palomero. Actividade cofinanciada pola Excma. Deputación Provincial de Pontevedra

– 20.00 horas: Sorteo de agasallos entre os visitantes (Estancias en casas de Turismo Rural, patrocinadas por Asoc. Cultural Mar de Compostela e Fundación de Exposicións e Congresos da Estrada)

– 20.00 horas: Peche do recinto feiral

KEEP READING

A 34ª Feira do Moble de Galicia arranca na Estrada con máis de medio cento de expositores e propostas para o equipamento completo do fogar

16 Setembro, 2022 |by wecom | 0 Comments | blog

O recinto feiral da Estrada acolleu hoxe a inauguración oficial da Feira do Moble de Galicia, un certame que chega á súa 34ª edición -logo de dous anos de interrupción por mor da pandemia sanitaria- con máis de medio cento de expositores repartidos en catro pavillóns. Ao acto de apertura, que correu a cargo do delegado territorial da Xunta de Galicia en Pontevedra, Luis López Diéguez, asistiron tamén o alcalde estradense, José López Campos, o director xeral de Emerxencias e Interior, Santiago Villanueva, e o vogalda Cámara de Comercio de Pontevedra, Vigo e Vilagarcía de Arousa Miguel Ángel García Miguens, entre outras autoridades.

O alcalde da Estrada, José López Campos, foi o encargado de abrir a rolda de intervencións. Fíxoo facendo referencia á complexidade que supón a organización dun certame destas características nun momento de dificultades por mor da pandemia sanitaria e da propia evolución do mercado. Sinalou o primeiro edil estradense que os tempos cambian de xeito rápido e referiuse especialmente á relación entre o produtor e o consumidor final. Subliñou ademais que, na Estrada, o do moble segue a ser o principal sector económico, tanto no referido á creación de emprego como de xeración de riqueza, sendo quen de situar os produtos locais en tódolos recunchos do mundo. Insistiu tamén López Campos no apoio das diversasadministracións ao certame, como é o caso da Xunta de Galicia ou a Deputación de Pontevedra.

O alcalde da Estrada quixo agradecer tamén o traballo levado a cabo pola Fundación de Exposicións e Congresos ao longo da historia da Feira do Moble, subliñando por exemplo os esforzos do padroado da Fundación de Exposicións e Congresos, os impulsores da cita feiral e os expositores que ano tras ano foron pasando polo recinto estradense. Antes de rematar a súa intervención, fixo mención á etapa de cambio que afronta a entidade como referente, medio e escaparate do sector do moble. Xa finalmente, López Campos mostrouse convencido de que esta edición da Feira do Moble será un novo éxito de público.

Pola súa banda, o delegado territorial da Xunta de Galicia en Pontevedra, Luis López Diéguez, amosou a súa ledicia pola celebración dunha Feira do Moble moi agardada e louvou a resistencia do certame como escaparate dun sector que forma parte da vida dos galegos, tal e como sinalou en referencia ao arraigo do sector do moble e da madeira na comunidade.

Aludiu tamén á actual como a edición que debe marcar o punto de inflexión para que o certame evolucione e se adapte aos novos tempos, sendo -dixo- o cimento da cita que se queira para o futuro. Un futuro, precisamente, sobre o que insistiu na necesidade de afrontalo con decisión dado que o sector do moble e da madeira está máis forte que nunca. Neste senso, quixo lembrar López Diéguez que máis de 700 empresas da comunidade están vinculadas co traballo da madeira e do moble, facturando máis de 500 millóns de euros anuais e con máis de 3,6 millóns de pezas fabricadas cada ano, das que sobresaen as cociñas. De xeito especial, o delegado territorial da Xunta salientou o papel destacado do sector do moble local na área das grandes instalacións e os equipamentos de espazos de servizos, o contract.

Durante a súa intervención na inauguración da Feira do Moble, fixo referencia Luis López ao tradicional bo facer das industrias galegas adicadas ao sector e resaltou a actual aposta das mesmas polo deseño, a loxística ou a vangarda. Sinalando que este debe ser o camiño que se percorra, quixo destacar tamén o delegado territorial o peso do sector do moble local, con 31 empresas, todas elas modernizadas. Lembrou que a segunda xeración que se atopa ao fronte das mesmas está obtendo resultados de récord tanto en emprego coma en facturación, acertando coa especialización dun sector que sostén na zona uns550 empregos directos.

En referencia á fortaleza desta actividade local, xa para rematar o representante da administración autonómica lembrou que o sector imprime marca ao Concello da Estrada e subliñou o papel do municipio como capital do moble por rendemento, calidade e convencemento.

Apertura ata o domingo e entrega do Reimóndez Portela

Deste xeito, o recinto da Fundación de Exposicións e Congresos acolle ata o domingo unha ampla mostra de produtos e servizos para a totalidade do fogar entre os que figuran o mobiliario doméstico e de xardín, a tapicería, o descanso, a decoración ou os electrodomésticos así coma prestación en climatización, calefacción, automatismos ou mercado inmobiliario.

O certame, que pode visitarse de xeito interrompido entre as 11.00 e as 20.00 horas, conta ademais cunamplo programa de actividades paralelas. Para mañá, venres, destaca a apertura do parque infantil situado no pavillón 6 ás 16.00 horas. Así mesmo e xa en materia cultural, a tarde proseguirá co acto de entrega do XXVII Premio Xornalístico Manuel Reimóndez Portela, fixado para as 19.00 horas. Finalmente, celebrarase o sorteo de agasallos entre os visitantes (vales de combustible e ceas patrocinados por Servicios Puente Liñares, Estación de Servicio Strada, SBC Gasolineras e o Asador de Leo).

KEEP READING

A Estrada inaugura este xoves con entrada gratuíta a 34ª edición da Feira do Moble

14 Setembro, 2022 |by wecom | 0 Comments | blog

O Recinto Feiral da Estrada acolle este xoves a inauguración da 34ª Feira do Moble, unha agardada edición que chega logo de dous anos de interrupción por mor da pandemia sanitaria. A cita, que no seu primeiro día de celebración terá carácter gratuíto, foi presentada hoxe nas instalacións da Fundación de Exposicións e Congresos, onde os representantes das distintas entidades que conforman o padroado mostraron unha vez máis o seu compromiso co sector da madeira e do moble. Neste acto cos medios de comunicación, destacouse o logro que supón abrir este certame co cen por cen do seu espazo expositivo ocupado e cunha oferta moi ampla de equipamento para a totalidade do fogar.

O encargado de comezar a rolda de intervencións foi o representante da Asociación de Fabricantes e Comerciantes do Moble da Estrada, César Barbosa. Resaltáronse neste momento, entre outros aspectos, a importancia para o tecido empresarial vencellado ao sector do moble e da madeira dunha cita feiral na que participan firmas autonómicas, nacionais e internacionais. Todas elas -que chegan de lugares coma Asturias, Madrid, Toledo, Sevilla, Valladolid, Alicante ou Portugal- mostrarán ao público distintas tendencias en mobiliario, decoración e equipamento para o fogar.

Seguidamente, Miguel Angel García Miguens, vogal da Cámara de Comercio de Pontevedra, Vigo e Vilagarcía de Arousa, realzou o papel deste evento como factor de promoción do sector tanto no ámbito de proximidade coma fóra deste e incidiu no feito de que a feira volva con forza pasadas as restricións da crise sanitaria. Alabou ademais García a boa resposta dos expositores do certame e destacou a novidosa oferta de produtos que se presentarán na Estrada ao longo dos próximos días.

A continuación, o deputado provincial Manuel González Martínez subliñou o feito de que a Feira do Moble poña á Estrada no mapa a nivel nacional e internacional, sendo un escaparate da localidade nos distintos eidos entre os que mencionou o económico ou o turístico, por exemplo.

Xa na súa quenda, o Xefe Territorial de Medio Rural en Pontevedra, Antonio Crespo Iglesias, puxo de manifesto como a pandemia afianzou o valor do fogar como espazo de vida, traballo, estudos ou lecer e, con iso, a necesidade de que o seu equipamento responda ás necesidades de cada familia. Destacou así mesmo o compromiso da Xunta de Galicia coa Feira do Moble, destacando finalmente o factor innovador da mesma.

Finalmente, o alcalde da Estrada, José López Campos, salientou o apoio das distintas entidades presentes no citado padroado da Fundación de Exposicións e Congresos e, recoñecendo a complexidade do momento para a actividade comercial, amosou tamén o seu desexo de que eventos coma a Feira do Moble sirvan de revulsivo.

O mandatario local recoñeceu tamén a necesidade de que dende a Xunta de Galicia se manifeste o compromiso necesario para contar cun “xerente que capitanee este proxecto”. Nesta orde de cousas, reiterou o agradecemento ao persoal da Fundación de Exposicións e Congresos pola organización do evento que reunirá na Estrada dende o xoves ata o domingo a máis de 50 expositores.

No tocante ao sector do moble local, López Campos puxo sobre a mesa o bo momento polo que atravesan as empresas estradenses do moble e da madeira, con gran carga de traballo e proxectos innovadores en funcionamento. Entre eles, resaltou a súa participación en equipamentos hoteleiros de vangarda e infraestruturas de primeiro nivel que lles permiten mellorar cada día as súas cifras de empregabilidade e actividade económica. Neste senso, expresou tamén a necesidade de artellar unha estratexia para que a Fundación de Exposicións e Congresos reforce o seu papel como ferramenta a disposición do sector local. Para rematar, o alcalde estradense convidou ao público a achegarse ata A Estrada para percorrer os catro pavillóns nos que se distribúe o espazo expositivo.

Programa de actividades

A continuación, detállase o programa de actividades da 34ª edición da Feira do Moble.

Xoves 15 de setembro

– 9.30 horas: Emisión en directo do programa “Galicia por Diante” da Radio Galega desde o recinto feiral da Estrada

– 11.00 horas: Apertura do recinto feiral (entrada de balde)

– 12.00 horas: Inauguración oficial do certame a cargo de D. Luis López Diéguez, Delegado Territorial da Xunta de Galicia en Pontevedra

– 16.00-20.00 horas: Apertura parque infantil (Pavillón 6)

– 20.00 horas: Peche do recinto feiral

Venres 16 de setembro

–  11.00 horas: Apertura do recinto feiral

– 16.00-20.00 horas: Apertura parque infantil (Pavillón 6)

– 19.00 horas: Acto de entrega do XXVII Premio Xornalístico Manuel Reimóndez Portela

– 20.00 horas: Sorteo de agasallos entre os visitantes (Vales de combustible e ceas patrocinados por Servicios Puente Liñares, Estación de Servicio Strada, SBC Gasolineras e o Asador de Leo)

– 20.00 horas: Peche do recinto feiral

Sábado 17 de setembro

– 11.00 horas: Apertura do recinto feiral

– 12.00-14.00 horas: Apertura parque infantil (Pavillón 6)

– 16.00-20.00 horas: Apertura parque infantil (Pavillón 6)

– 18.00 horas: Actuación do mago Popín Palomero. Actividade cofinanciada pola Excma. Deputación Provincial de Pontevedra

– 20.00 horas: Sorteo de agasallos entre os visitantes (Estancias en casas de Turismo Rural, patrocinadas por Asoc. Cultural Mar de Compostela e Fundación de Exposicións e Congresos da Estrada)

– 20.00 horas: Peche do recinto feiral

Domingo 18 de setembro- 11.00 horas: Apertura do recinto feiral

– 12.00 a 14.00 horas: Apertura parque infantil (Pavillón 6)

– 16.00 a 20.00 horas: Apertura parque infantil (Pavillón 6)

– 18. 00 horas: Actuación do mago ilusionista Marco. Actividade cofinanciada pola Excma. Deputación provincial de Pontevedra

– 20.00 horas: Sorteo de agasallos entre os visitantes (estancias en balneario Termas de Cuntis, patrocinadas por Balneario Termas de Cuntis e Fundación de Exposicións e Congresos da Estrada)

– 20.00 horas: Peche do recinto feiral

Finalmente, cabe lembrar que o público terá a oportunidade de percorrer os distintos pavillóns da Feira do Moble entre o xoves e o domingo, en horario ininterrumpido dende as 11.00 ás 20.00 horas.

KEEP READING

O Delegado Territorial da Xunta de Galicia en Pontevedra, Luís López Diéguez, inaugurará o xoves na Estrada a 34ª Feira do Moble de Galicia

11 Setembro, 2022 |by wecom | 0 Comments | blog

O Delegado Territorial da Xunta de Galicia en Pontevedra, Luís López Diéguez será o encargado de inaugurar o xoves, día quince, na Estrada a 34ª Feira do Moble de Galicia.

Previamente o vindeiro martes, día trece, terá lugar a presentación do certame aos medios de comunicación. Neste acto estarán presentes o alcalde da Estrada, José López Campos, oxefe territorial de Medio Rural en Pontevedra Antonio Crespo Iglesias, o deputado da Deputación de Pontevedra, Manuel González Martínez, Miguel Ángel García Miguens, Vogal da Cámara de Comercio de Pontevedra, Vigo e Vilagarcía de Arousa
e César Barbosa Cardoso, representante da Asociación de Fabricantes e Comerciantes do Moble da Estrada que mostran así o respaldo das diversas institucións que compoñen o padroado ao certame sectorial da madeira, do moble e do fogar.

No acto, detallarase a programación completa da Feira do Moble, que se celebra na Estrada do 15 ao 18 de setembro e que conta xa co cen por cen do seu espazo expositivo ocupado. Cabe sinalar que nesta 34ª edición do certame participarán firmas autonómicas, nacionais e internacionais que mostrarán ao público distintas tendencias en mobiliario, decoración e equipamento para o fogar e que chegan de lugares coma Asturias, Madrid, Toledo, Sevilla, Valladolid, Alicante, Bizkaia ou Portugal, entre outros.

Revista oficial do certame

No acto de presentación darase a coñecer a revista oficial coa que se vai promocionar o certame, entre os distintos públicos e na que se detalla a relación completa das firmas expositoras así coma as actividades complementarias do evento feiral. A revista foi impresa na Deputación de Pontevedra e distribuirase nun medio de comunicación a modo de encarte para promocionar o certame.

Radio en directo

O día 15 de setembro -coincidindo coa inauguración do certame-achegarase ao recinto feiral un equipo da Radio Galega para a emisión en directo do coñecido programa “Galicia por Diante”.

Finalmente, cab lembrar que o público terá a oportunidade de percorrer os distintos pavillóns da Feira do Moble entre o xoves e o domingo, en horario ininterrumpido dende as 11.00 ás 20.00 horas.

KEEP READING

A Feira do Moble alcanza o 100% de ocupación con expositores da Comunidade Autónoma

31 Agosto, 2022 |by wecom | 0 Comments | blog

Faltan pouco máis de quince días para que A Estrada reciba a trixésimo cuarta Feira do Moble de Galicia. Esta nova edición vén de alcanzar o 100% da ocupación do seu espazo expositivo, no que firmas autonómicas, nacionais e internacionais mostrarán todas as novidades do sector do fogar durante os catro días de duración do certame.

Os usuarios interesados en coñecer o mercado actual de mobiliario doméstico e decoración teñen unha cita ineludible do 15 ao 18 de setembro, de 11.00 a 20.00 horas, no Recinto Feiral A Estrada. A maioría dos expositores pertencen á comunidade galega, tamén poderán coñecer e deixarse aconsellar por firmas procedentes de Biscaia, Ciudad Real, Córdoba, Madrid, Toledo, Sevilla, Valladolid ou Portugal.

Reunión do Comité Executivo

Por outra banda, o Comité Executivo da Fundación de Exposicións e Congresos da Estrada reuniuse para tratar diferentes temas. Ao encontro asistiron o alcalde da Estrada, José López Campos; o delegado territorial da Xunta de Galicia en Pontevedra e o representante da ACE , José Luís Carracedo.

Na reunión presentouse a proposta publicitaria para a Feira do Moble, así como os orzamentos da entidade para o ano 2023.

Malia que haberá que agardar ata o vindeiro xoves 15 de setembro para coñecer en vivo e directo as novas en materia de decoración, mobiliario, electrodomésticos, complementos do fogar, instalación de piscinas, automatismos ou enerxías renovables, entre outras moitas ofertas, dende o Recinto Feiral A Estrada comezarase nos próximos días coa presentación de expositores e a campaña publicitaria do evento.

KEEP READING

A Feira do Moble de Galicia acada o 90% de ocupación do seu espazo expositivo a un mes do inicio do certame

17 Agosto, 2022 |by wecom | 0 Comments | blog

Cando falta aproximadamente un mes para a inauguración da 34ª edición da Feira do Moble de Galicia, que terá lugar entre os días 15 e 18 de setembro, a Fundación de Exposicións e Congresos da Estrada conta xa cun 90% do seu espazo expositivo ocupado. O evento, que tivo que pospoñer as súas citas habituais dos anos 2020 e 2021 por mor da pandemia sanitaria motivada polo coronavirus, retoma así a súa tradicional celebración con practicamente os seus catro pavillóns reservados.  

Nesta nova edición, os visitantes atoparán un certame orientado ao equipamento completo do fogar. Deste xeito, xunto a mobiliario de distintas tendencias, o público poderá percorrer 11.000 metros cadrados de exposición nos que estarán presentes sectores afíns como son a decoración, os complementos domésticos, a instalación de piscinas, os electrodomésticos, os automatismos ou as enerxías renovables, entre outros.

Amplo programa de actividades complementarias

Durante as súas catro xornadas de duración, a Feira do Moble de Galicia abrirá as súas portas dende as 11.00 ás 20.00 horas, tempo no que ademais de visitar a propia exposición os visitantes terán ao seu dispor un programa de actividades complementarias que se darán a coñecer nos próximos días.

Esta agardada cita do escaparate estradense do moble e do fogar chega logo de dous anos de interrupción a raíz da pandemia sanitaria. Neste senso, cabe lembrar que na súa última edición foron moitas as persoas que se achegaron ata o Recinto Feiral da Estrada e que realizaron compras ou contactos directos cos expositores presentes na feira.

KEEP READING

A Feira do Moble de Galicia celebra en setembro a súa 34º edición tras dous anos de interrupción a causa da pandemia sanitaria

6 Xullo, 2022 |by wecom | 0 Comments | blog

Tres anos despois da última edición, no 2019, a Fundación de Exposicións e Congresos da Estrada acollerá unha nova Feira do Moble de Galicia. O evento, que tivo que pospoñer as súas citas habituais dos anos 2020 e 2021 por mor da pandemia sanitaria motivada polo coronavirus, celebrarase así entre o 15 e o 18 de setembro.

O certame acada a súa 34ª edición e nela ofrecerá un amplo escaparate de exposición e comercialización de mobles, complementos, artigos de  decoración e outros útiles e prestacións para o equipamento do fogar nun amplo espazo de exposición distribuído en 4 pavillóns. O horario de visita terá carácter ininterrompido, entre as 11.00 e as 20.00 horas durante as catro xornadas de duración da feira.

Cabe lembrar que, na súa última edición, a Feira do Moble pechou cun balance de 12.000 visitantes. Deles, máis da metade -un 56%- realizou compras ou contactos directos con expositores. En relación coa boa acollida do evento entre o público, hai que subliñar tamén que case catro de cada dez persoas que se achegaron en 2019 o facían por primeira vez, sinalando na súa práctica totalidade a intención de volver nas seguintes convocatorias.

Con máis de tres décadas de traxectoria, esta cita estradense supón un escaparate de referencia para o sector do moble, a decoración e os artigos do fogar. Así, a Feira do Moble de Galicia está orientada tanto á satisfacción do público particular -que atopará un amplo abano de posibilidades para amoblar ou equipar o seu fogar- coma ao profesional, con atención neste último caso á ampliación de mercados e carteiras de clientes nun momento no que o auxe do sector inmobiliario está a realzar a comercialización de mobles e produtos afíns.

Entre os sectores representados no  certame, xunto coas propostas de mobiliario o visitante atopará tamén decoración, descanso, tapicería, electrodomésticos, automatismos ou enerxías renovables, entre outras áreas de equipamento do fogar.

KEEP READING

Recinto Feiral A Estrada – Galeria de Fotos

17 Xullo, 2020 |by wecom | 0 Comments | blog

Recinto Feiral A Estrada
4 Pavillóns,mais de 8.500 m2 de superficie expositiva.Aparcamento gratuito para expositores e visitantes.Situado nun enclave estratéxico a 20 minutos de Santiago de Compostela

KEEP READING